Mazigh, Amazigh, Tamaziɣt

La qqaren d aman i d laman... lemmer yufi wemdan yili nekwni s imezdaγ n Tferka ugafa (Imaziγen), a nessuref akken a nesiwed ar udabu. Adabu ara iqedcen af tarwa n tmurt nneγ (i rran irumyen ts-tsimura akken ad debbren fellaγ).

Asmi teffeγ  Fransa si Tferka ugafa, tedja-d kra n dderya n lehram yerna terra-yasen imedhqan igerrzen i lebda... Wa yetstsak-ts i mmis n wayedh, nekwni am gujilen nezga kan nettilli s tittawin (allen) nneγ. Bdhan tamurt rran-ts ts-tsimura akken d nniγ, yiwet semman-as lezzayer, tayedh lmerruk, yiwet tunes, muritanya, libya...ahlil...

Rran iqwjan di tlisa akken tagmats ur tetstsmlili. Rran iqwjan yal wa amek i tsersen... Yiwen fkan-as-ts asmi nγan akw tarwa i gerrzen, yiwen nnidhen fkan-as-ts yerna rrant d ahbib n rebbi, imi netstsa akken yeqqar d yiwen seg-gwid yetstsilin i muhemmed (win akken yuran leqwran). Ihi tura yuγal-ed mmis ula d netstsa d ahbib-is. Ihi lemmer nekkwni d imdanen yerna ts-tsidets, amek yiwet n tmurt i-gettef uhbib n rebbi teffeγen-d ssegs igejduren ur tetstsafedh ula ar wid umi semmen iεdawen n rebbi?! amek akka?!

Ihi a yayetma a yessetma, wiggi yetsεassan af tlissa sen d djan ssyad nnsen ur llin d ihbiben n rebbi ur llin d ihbiben n wemdan, nutni dacu-ten? : D IΣDAWEN NNEΓ, d wid terra fransa d imdhebbren fellaneγ akken ad-d rren tstsar n lejdud nneγ yefkan tirwihin, d tstsar n igumiyen nni yennuγnan mi ccdhen yerna zzman ihuseb-iten.

A yayetma, a yessetma, xelqen-aγ-d iεdawen mebla ma nessen-iten (rran "amerruki" d aεdaw "uzzayri", acku zran lemmer ad akwin d atmaten, a tsenneqlab fellasen, ad-d yuγal Massinissa ad aγ yesdukklen, d Kahina ar yewten) Acawi ad yaεqel Aqbayli, Amzabi Acelhi, Aterggi acenwi... Amaziγ ad yeεqel gmas, atmaten rran d "aεraben" ad nnejmaεen ula d nutni!

Ahaw sani yiggwas!

MAZIΓ