Mazigh, Amazigh, Tamaziɣt

Iggwid ad yini yiwen dacu i neqsen degneγ, ayagi acku nekwni n-teddu ar deffir segmi iγerfan n dunnit teddun ar zdat. Assagini ncetteh deg-gwas yellan d amedya ar γurneγ d wiyadh af ayen i3nan izerfan n wemdan d tilelli n Tmaziγt d Imaziγen.

Ass icban assa kkren-d irgazen d tlawin akken ad inin ala i lbattel yedhran di tmurt nneγ... Ad inin ala i wdabu anekkar, i wdabu aγeddar yekkaten arrac s rrsas ulamma ifassen nnsen d ilmawen. Adabu aγeddar iγedren, iεedmen ac'hal d ilemzi ... Assa nctteh, nessawl i yemdanen ad-d asen ad ferhen amzun neggwi-d tilelli s tidets...

A yayetma a yessetma, tamurt n Leqbayel t-tseddu a tseqqwel d Wehran naγ d Msila,... aqlaγ netswaγ ar daxel, gern-aγ ssus isserkayaγ s zdaxel....

Wid akken, tid akken ideg nruja leslak zenzen-aγ di ssuq n tlufa ts-tsin n Lmuradya. Fkan-aγ tawaγit watmaten nneγ, nuγal d icettahen di leswaq imferrdjen d i3dawen nneγ n yidhelli d wassa.

A nefreh yakw asmi di Bgayet t-tsudrin nneγ a nessawal akw s taεrabt, a nefreh yakw asmi Di Tizi wezzu t-tsudrin nni yakw ad ssawalen s taεrabt... Anefreh asmi di Tubirets daγen akken d Arris, d Taγerdayt, d Adrar... a nefreh yakw asmi Taferka Ugafa iγ-d djan lejdud, a-ts nezzuγer ar Cherq s imurar akken a tsuγal i taggara n wussan s tidets d "El maγrib al εarabi"....

Nekkini yiwen wawal kan : a wer γ-issehder rebbi i teswiεt am ta!!!

Inet-iyi-d timsal agi n Takfarinas d terba3t-is... d wid yeddan di later-is... ma d ccγwel. Tameγra-yagi n lεar i gexdem di Zenith n paris, dacu i-gemxallafen d "Festival n Rraï" n Wehren? Ulac igellan garasen... ala ass! (lemmer di 20 yunyu id yessawel imedden ad cedh'hen yides tili ddiγ ula d nekki (ur lliγ ara d aεdaw n tudert a ddin uqabac!!!)

Azul af tarwa n tlelli n tidets, azul af tmurt n Leqbayel, Azul af wid teggwi lmehna...

MAZIΓ ar assa, ar taggara...